Baramati News : एकनाथ शिंदे यांनी केलं तर गद्दारी आणि शरद पवार यांनी केलं तर मुत्सद्देगिरी असं म्हणणाऱ्या उपमुख्यमंत्री देवेंद्र फडणवीस यांना पवारांनी प्रत्युत्तर दिलं आहे. मी कधी असं केलं त्यांनी सांगावं, असं शरद पवार यांनी म्हटलं.

1977 साली आम्ही सरकार बनवलं, पण त्यावेळी भाजप माझ्यासोबत होते. त्यावेळी ते (फडणवीस) लहान मुलं असतील. त्यामुळे त्यांना कदाचित ते कळलं नसेल. त्यांना पूर्वीचा इतिहास माहित नसेल.  (Maharashtra Politics)

मी जे सरकार बनवलं तेव्हा सर्वांना घेऊन बनवलं होते. कदाचित ते त्यावेळी प्राथमिक शाळेत असतील. त्यामुळे अज्ञानापोटी ते असं वक्तव्य करत असतील, यापेक्षा जास्त यावर भाष्य्य करण्याची गरज नाही, असा खोचक टोला शरद पवारांना फडणवीसांना लगावला आहे.

काय म्हणाले होते फडणवीस?

शरद पवारांना उद्देशून बोलताना देवेंद्र फडणवीस यांनी 1977 च्या सरकार स्थापनेचा उल्लेख आपल्या भाषणात केला होता. शरद पवार हे वसंतदादा पाटील यांच्या मंत्रिमंडळातील 40 आमदार घेऊन बाहेर पडले होते.

त्यांनी तेव्हाच्या भाजपाबरोबर सरकार स्थापन केलं. ते सरकार दोन वर्षं चाललं. तेव्हा पवारसाहेबांनी जे केलं ते मुत्सद्देगिरी आणि तेच एकनाथ शिंदे यांनी केलं तर गद्दारी? असं कसं चालेल? असा सवाल देवेंद्र फडणवीस यांनी उपस्थित केला होता.