राष्ट्रवादी काँग्रेस शरदचंद्र पवार पक्षाने दिल्ली प्रदेशातील संघटनात्मक रचनेबाबत मोठा निर्णय घेतला आहे. दिल्ली प्रदेश राष्ट्रवादी काँग्रेसपक्ष शरदचंद्र पवाराची विद्यमान प्रदेश समिती तात्काळ प्रभावाने बरखास्त करण्यात आली आहे. दिल्लीतील पक्षाच्या प्रादेशिक कामकाजासंदर्भात पदाधिकाऱ्यांशी चर्चा केल्यानंतर हा निर्णय घेण्यात आला आहे. पक्षाकडून दिल्ली प्रदेशातील संघटनात्मक रचनेत फेरबदल करण्याची प्रक्रिया सुरू करण्यात आली आहे.

पक्षाकडून मिळालेल्या माहितीनुसार, दिल्लीतील प्रादेशिक कामकाज सुरळीत आणि प्रभावीपणे चालवण्यासाठी दिल्लीतील प्रादेशिक नेत्यांशी चर्चा करून लवकरच सुकाणू समितीची स्थापना करण्यात येणार आहे.तसेच, दिल्ली प्रदेशाची नवी कमिटीही लवकरच घोषित केली जाणार आहे. त्यामुळे आगामी काळात दिल्लीतील राष्ट्रवादी काँग्रेस शरदचंद्र पवार पक्षाच्या संघटनात्मक बांधणीत मोठे बदल पाहायला मिळण्याची शक्यता आहे.

दरम्यान, राष्ट्रवादी काँग्रेस शरदचंद्र पवार पक्षाकडून अलीकडच्या काळात संघटनात्मक पातळीवर फेरबदल सुरू आहेत. पक्षाच्या संघटनात्मक बांधणीला अधिक बळकटी देण्याच्या दृष्टीने विविध नियुक्त्या आणि फेररचना करण्यात येत आहेत.