अक्षय बडवे

Political News : राष्ट्रवादी काँग्रेसचे अध्यक्ष शरद पवारांनी आपल्या पदाचा राजीनामा मागे घेतल्यावर ते आता पुन्हा एकदा ऍक्टीव्ह मोडमध्ये आले आहेत. सत्तेचा गैरवापर कसा होतो हे भाजप ने दाखवून दिले आहे. महाराष्ट्रामधील उद्धव ठाकरे यांच्या काळातील सरकारमध्ये जे लोकं बाजूला गेले ते कशासाठी गेले का गेले? त्यांचे त्यांना माहिती पण हा निकाल महाराष्ट्राच्या जनतेला पटला नाही, असा टोला राष्ट्रवादी काँग्रेसचे अध्यक्ष शरद पवारांनी भाजप सरकारला लगावला आहे. (Latest Marathi News)

लहान मुलांच्या मुखात खोके आणि खोकेवाला

सांगोल्यात कसब्याचे आमदार रवींद्र धंगेकर यांच्या सत्कार सोहळ्याच्या कार्यक्रमात बोलताना शरद पवारांनी शिंदे-फडणवीस सरकारवर टीकास्त्र सोडलंय. यावेळी ते म्हणाले की, शिंदे सरकारला जनमाणसाचा पाठिंबा मिळवता आलेला नाही. सध्या लहान मुलांच्या मुखात खोके आणि खोकेवाला हा शब्द आला आहे. राज्यातील राजकारण स्वच्छ करायचे असेल तर महाविकास आघाडीच्या पाठीशी उभे राहावे लागेल, असं ठामपणे शरद पवारांनी (Sharad Pawar) म्हटलं.

तसेच यावेळी उपमुख्यमंत्री देवेंद्र फडणवीस यांच्यावर देखील पवारांनी निशाणा साधलाय. धनगर समाजाच्या आरक्षणाचा मुद्दा उपस्थित करत पवारांनी म्हटलं की, देवेंद्र फडणवीस यांनी धनगर समाजाला आरक्षणाचे आश्वासन दिले होते. मात्र ते ५ वर्ष मुख्यमंत्री झाले नंतर ते उपमुख्यमंत्री झाले. त्यामुळे आम्ही आधीच आश्वासन देत नाही.

तसेच रवींद्र धंगेकर यांचे कौतुक करत शरद पवार म्हणाले, निवडणुका लढवणे सोपे नाही पण कर्तुत्व असेल तर लोकं मोठं आणि छोटं कोणी बघत नाहीत. मी रवींद्रची चौकशी केली होती. तेव्हा मला सगळ्या कार्यकर्त्यांनी सांगितले की हा माणूस असा आहे की एखाद्या कुटुंबात एखाद्याचे दुःख कमी करण्यासाठी हा माणूस नेहमी प्रयत्नशील असतो. धनगर, लोणार समाजाला राजकारणात संधी द्यायला हवी. ज्या काही निवडणुका येतील त्या निवडणुकीत महाविकास आघाडी तुमच्या पाठीशी असेल, असं शरद पवार म्हणाले.