Satara News : लांबून गप्पा मारणाऱ्या राऊतांनी माझ्या मतदारसंघात येवून राहावे आणि माझ्याविरोधात उभे राहून दाखवावे. त्यांच्या जेवण खाण्याची सगळी व्यवस्था मी करतो अशी खोचक साता-याचे पालकमंत्री शंभूराज देसाई (Shambhuraj Desai) यांनी खासदार संजय राऊत (MP Sanjay Raut) यांच्यावर केली. गद्दारांचा भूकंपाचा केंद्रबिंदू पाटण असेल या खासदार राऊत यांच्या वक्तव्याचा मंत्री देसाईंनी आज (साेमवार) सातारा (Satara) येथे समाचार घेतला. (Maharashtra News)

मंत्री देसाई म्हणाले सत्तेत असतानाची अकार्यक्षमता झाकण्यासाठी आणि लोकांच लक्ष विचलीत करण्यासाठीच उद्धव ठाकरे यांच्या पक्षाचा मोर्चा आहे. सरकार एकनाथ शिंदे आणि फडणवीसांच्या नेतृत्वाखाली गेले ११ महिने काम करत आहे. यापुर्वी निर्विवाद वर्चस्व उद्धव ठाकरेंच्या नेतृत्वाखालील शिवसेनेचं होतं. आता मुदती संपल्या आरक्षणाच्या आणि वाॅर्ड रचनेच्या संदर्भात न्यायालयिन प्रक्रीया सुरु आहे.

निवडणुका झाल्या नाही आत्ता प्रशासक आहे आणि आता ११ महिन्यांच्या कामकाजावर लगेच मोर्चा काढायची वेळ येणं म्हणजे आपण जे सत्ता असताना केलं नाही ते आता एकनाथ शिंदे आणि फडणवीस यांच्या नेतृत्वाखालील सरकार करतय हे लोकांनी स्विकारलं आहे अशी प्रतिक्रिया शंभुराज देसाई यांनी दिली.

पहिला पाऊस झाल्यानंतर स्वत: मुख्यमंत्री फिल्डवर आहेत प्रत्येक कामाची पाहाणी करु त्रुटी असतील त्या दुरुस्त करण्याचे आदेश त्यांनी दिले. आत्ता पर्यन्त झाली नव्हते ती कामं सुरु आहेत. मुंबई (mumbai) हे जागतीक दर्जाचं शहर निर्माण करण्याची अपेक्षा या ११ महिन्यातील सरकार पुर्ण करत आहे. हेच काम उद्धव ठाकरे करु शकले नाहीत यामुळं लोकांच लक्ष विचलीत करण्यासाठी हा मोर्चा काढला जातोय असा आरोप देसाईंनी केली.

Edited By : Siddharth Latkar