फैय्याज शेख 
शहापूर : यंदाची विधानसभा निवडणूक अतिशय चुरशीची होण्याची चित्र सगळीकडेच निर्माण झाले आहे. अर्थात सर्वत्र बंडखोरी सुरु असल्याचे पाहण्यास मिळत आहे. त्यानुसारच शहापूर मतदारसंघात देखील ठाकरे गटाच्या कार्यकर्त्यांनी बंडाचे हत्यार उपसले असून मातोश्रीचा आदेश आला तरी माघार नाही वेळ पडल्यास राजीनामे देऊ; अशी भूमिका घेतली आहे. 

ठाणे (Thane) जिल्ह्यातील ग्रामीण भागात उद्धव ठाकरे गटाला झूकते माप दिल्याने ग्रामीण भागातील उद्धव ठाकरे गटाचे कार्यकर्ते नाराज झाले आहेत. यामुळे शहापूर (Shahapur) विधानसभा मतदारसंघातून अपक्ष उमेदवारी अर्ज दाखल करत विधानसभा लढणार असल्याचे ठाम मत केले आहे. जर मातोश्री हून आदेश आला तरी देखील माघार घेणार नाही; असे ठाम मत आजच्या बैठकीत घेण्यात आले. यामुळे शहापूरमध्ये अर्ज माघारीनंतर ठाकरे गटाच्या कार्यकर्त्यांची काय भूमिका असेल, हे पाहणे महत्वाचे ठरणार आहे. 

अविनाश शिंगे निवडणुकीच्या रिंगणात 

शहापूर तालुक्यात १४ जिल्हा परिषद जागे पैकी ९ सदस्य व २८ पंचायत समितीचे १९ सदस्य हे शिवसेना उद्धव ठाकरे गटाचे असताना ६० टक्के ग्रामपंचायत हे उद्धव ठाकरे यांचे कडे असता जर शहापूर विधानसभेची जागा ही शहापूर (Shiv Sena) शिवसेना उद्धव ठाकरे यांना देणे गरजेचे होते. मात्र असे झाले नाही म्हणून अविनाश शिंगे अपक्ष उमेदवार रिंगणात उतरले आहेत.