ही दृश्ये आहेत शिंदेसेनेचे नेते शहाजीबापू पाटलांच्या कार्यालयावर एलसीबी आणि निवडणूक आयोगाच्या भरारी पथकाने मारलेल्या छापेमारीची.... शहाजी बापूंची सभा संपली आणि पोलिसांचं पथक थेट शहाजीबापू पाटलांच्या ऑफिसमध्ये घुसलं आणि व्हिडीओ रेकॉर्डिंगसह चौकशी सुरु केली... यावरुन शहाजीबापू पाटलांनी उद्विग्न होत भाजपचे मंत्री जयकुमार गोरे आणि दीपक पाटलांवर हल्लाबोल केलाय.

शहाजीबापू पाटलांनी भाजपविरोधात वक्तव्य केल्यानंच ही धाड टाकण्यात आल्याची शंका शिंदेसेनेनं उपस्थित केलीय... तर मुख्यमंत्री देवेंद्र फडणवीसांनी मात्र सत्ताधारी आणि विरोधक पाहून कारवाई होत नसते, असं म्हणत शिंदेसेनेचा आरोप फेटाळून लावलाय..

खरंतर या धाडसत्राची सुरुवात झाली ती निलेश राणेंनी भाजप पदाधिकाऱ्याच्या घरावर मारलेल्या छाप्यामुळे... कारण याच छाप्यानंतर हिंगोलीत आपल्या घरी 100 पोलिसांनी पहाटेच धाड टाकल्याचा आरोप संतोष बांगरांनी केला.. तर एवढंच नाही तर सिडकोच्या 4500 कोटींच्या गैरव्यवहाराची चौकशी करण्यासाठी सरकारने समिती स्थापन करुन संजय शिरसाटांना खिंडीत गाठलंय.. मात्र या संघर्षाचं खापर भाजपनं शिंदेसेनेच्या माथ्यावर फोडलंय...

ऐन नगरपरिषद आणि नगरपंचायत निवडणुकीत महायुतीत संघर्ष पेटणं हे सत्तेच्या स्पर्धेत फक्त महायुतीतीलच पक्ष आहेत, इतर पक्षांकडे लोकांचं दुर्लक्ष व्हावं, यासाठीची खेळी आहे की खरंच महायुतीतील संघर्ष टोकाला गेलाय? हे निवडणुकीच्या निकालातील गणिताने स्पष्ट होणार आहे...