भंडारा : पाण्याच्या प्रवाहात उतरून सेल्फी काढत असताना दोन्ही भावंडे घसरून पाण्यात बुडाल्याची घटना भंडारा जिल्ह्याच्या पवनी तालुक्यातील गोसेखुर्द पावर हाऊस मध्ये घडली आहे. ह्या दोन्ही भावडांचा पवनी पोलिसांद्वारे शोध सुरु आहे.

हे देखील पहा -

विनोद मधुकर जुनघरे (वय 35) व मंगेश मधुकर जुनघरे (वय 37) दोघेही रा.रेवतकर ले आऊट उमरेड जिल्हा नागपूर असे बुडालेल्या युवकांची नावे आहेत. आज 15 ऑगस्ट सुट्टीचा दिवस असल्याने नागपुर जिल्हाच्या उमरेड वरुण दोन भाऊ आपल्या मित्रासोबत गोसेखुर्द धरणाकडे फिरण्यासाठी आले होते. दरम्यान गोसीखुर्द पावर हाऊस जवळ येत सेल्फी च्या मोह आवरता न आल्याने विनोद पाण्याजवळ उतरला.

दरम्यान विनोदचा पाय घसरल्याने गोसेखुर्द धरण परिसरातील वैनगंगा नदी प्रवाहात तो वाहून जाऊ लागला. मोठ्या भावाला हे कळताच मंगेश ने उडी मारत विनोदला वाचवण्याचा प्रयत्न केला असता तो देखील नदीत वाहून जाऊ लागला. पवनी पोलिसांना याबाबत माहिती मिळताच त्यांनी या दोघांचाही शोध सुरु केला आहे.

Edited By : Krushnarav Sathe