आज राज्यात जिल्हा परिषद निवडणुकीसाठी मतदान होणार आहे. मतदानाला सुरुवात आली आहे. याच पार्श्वभूमीवर राज्य सरकारने महत्त्वाचा निर्णय घेतला आहे. आज महाराष्ट्रातील अनेक ठिकाणी शाळांना सुट्टी जाहीर केली आहे. ज्या ठिकाणी मतदान होणार आहे त्या ठिकाणी शाळा बंद असणार आहे.

आज १२ जिल्हा परिषद आणि १२५ पंचायत समितीसाठी मतदान होणार आहे. पुणे, बारामती, पिंपरी चिंचवड, धाराशिव,सांगली, परभणी, धाराशीवसह अनेक ठिकाणी मतदान होणार आहे. जिल्हा परिषद आणि पंचायत समितीसाठी आज मतदान होणार आहे. या निवडणुकीचा निकाल ९ फेब्रुवारी रोजी लागणार आहे. मतदानामुळेच आज शाळांना सुट्टी जाहीर केली आहे.

या ठिकाणी शाळा बंद

पुणे जिल्ह्यातील बारामती, मावळ, मुळशी, शिरुर, हवेली, दौंड, इंदापूर, पुरंदर, भोर, वेल्हे, आंबेगाव, जुन्नर आणि खेड या तालुक्यात तालुक्यात जिल्हा परिषद व पंचायत समितीकरिता मतदान होणार आहे. निवडणूक होत असल्याने मतदार असलेले कामगार, अधिकारी, कर्मचारी तसेच कामानिमित्त निवडणूक होणाऱ्या क्षेत्राबाहेर कार्यरत असलेल्या मतदारांनाही निवडणुकीच्या दिवशी मतदानाचा हक्क बजावण्यासाठी भरपगारी सुट्टी देण्याचे निर्देश देण्यात आले आहेत.

खाजगी कंपन्यांमधील आस्थापना, दुकाने, हॉटेल, अन्य गृहे आणि नाट्यगृहे या ठिकाणी काम करत असलेल्या कर्मचाऱ्यांना भरपगारी सुट्टी देणे शक्य नाही त्यामुळे २-३ तासांची सवलत देण्यात आली आहे. जिल्हा परिषद आणि पंचायत समितीसाठी मतदान करता यावे, यासाठी ही सुट्टी देण्यात आली आहे. तसेच मतदान करण्याचे आवाहन जिल्हाधिकाऱ्यांनी केले आहे.