दिवाळी सुरु व्हायला अवघा १ महिना बाकी आहे. दिवाळीत शाळांना किती दिवस सुट्ट्या असणार आहे याबाबत माहिती समोर आली आहे. यावर्षी विद्यार्थ्यांना दिवाळीत फक्त १२ दिवस सुट्टी असणार आहे. दिवाळीची सुट्टी ही १६ ते २७ ऑक्टोबरपर्यंत देण्यात आली आहे. याआधी ही सुट्टी जवळपास २१ दिवस दिली जायची.

यंदा शैक्षणिक वर्ष २०२५-२६ मध्या शाळांना १२९ दिवस सुट्ट्या देण्यात आल्या आहेत. यामध्ये रविवारचा समावेश आहे.त्यात आता १२ सुट्ट्या दिवाळीत दिल्या जाणार आहे. शालेय शिक्षण विभागाने जाहीर केलेल्या सुट्ट्यांच्या यादीनुसार, ५३ सुट्ट्या या रविवारच्या असणार आहे. सण-उत्सवानिमित्त ६७ सुट्ट्या देण्यात आल्या आहेत. त्यामुळे वर्षात २२० दिवस अध्यापनाचे असणार आहे.

याचसोबत जवळपास ४४ दिवस उन्हाळी सुट्ट्या असणार आहे. याआधी एप्रिलच्या तिसऱ्या आठवड्यापर्यंत पहिली ते नववीच्या परीक्षा उरकल्या जायच्या. आता ८ ते २५ एप्रिलपर्यंत या परीक्षा घेण्याचे आदेश देण्यात आले आहेत. त्यानुसार आता २५ एप्रिलनंतर १४ जून या कालावधीत शाळांना सुट्टी असणार आहे.

आता दिवाळीआधी पहिल्या सत्रातील परीक्षा होणार आहे. याचसोबत उन्हाळी सुट्ट्यांआधी दुसऱ्या सत्रातील परीक्षा होणार आहे. १५ एप्रिलआधी ही परीक्षा घेण्याचा निर्णय घेण्यात आला आहे. वर्षातील २२० दिवस हे अध्ययानासाठी देण्यात आले आहेत.

सुट्ट्यांबाबत निर्णय

दिवाळीची सुट्टी फक्त १२ दिवसांची

२ मेपासून ते १४ जूनपर्यंत उन्हाळी सुट्ट्या

८ ते २५ एप्रिलपर्यंत होणार परीक्षा

दिवाळी सुट्ट्यांपूर्वी पहिल्या सत्रातील परीक्षा