बीडमधील मस्साजोगचे सरपंच संतोष देशमुख हत्या प्रकरणी खटला सुरु झाल्यावर धक्कादायक माहिती येत आहे. देशमुखांना मारहाण करण्यासाठी वापरलेल्या 4 हत्यारांचा परीक्षण अहवाल समोर आलाय. वाल्मिक कराड गँगने देशमुखांना मारण्यासाठी हत्यारं बनवली होती. यामध्ये गॅस पाईप, पाईपचा चाबूक, बांबूची काठी, लोखंडी पाईपचा समावेश आहे. या हत्यारांनी क्रूरपणे केलेल्या मारहाणीत त्यांचा मृत्यू झाला.

देशमुखांना या शस्त्रांनी मारहाण

गॅस पाईप

गाडीच्या क्लच वायरचा धातूचा चाबूक

लाकडी काठी

लोखंडी पाईप

हैवानालाही लाजवेल अशा अमानूषपणे सरपंच संतोष देशमुखांची हत्या करण्यात आली. सलग अडीच तास मारहाण करण्यात आली एवढंच नाही तर संतोष देशमुखांना उघडं करुन मारल्याची कबुली आरोपी सुदर्शन घुलेने दिलीय..साक्षिदारांचा जबाब आणि हत्यारांचा परीक्षण अहवाल कराड गँगच्या आरोपींना कठोर शिक्षा होण्यासाठी पूरक ठरणार आहे.