साताऱ्यातील डॉक्टर मृत्यू प्रकरणात नवंनवीन खुलासे होत आहेत. फलटणमधील डॉक्टर आत्महत्या प्रकरणातील आरोपींपैक असलेला निलंबित पीएसआय गोपाळ बदने याने फलटण पोलीस ठाण्यात हजर झाला. डॉक्टर तरूणीच्या आत्महत्या प्रकरणातील आरोपी गोपाळ बदणे दोन दिवसात पंढरपूरहून सोलापूरला गेल्याची माहिती समोर आली होती.

महिला डॉक्टरचा मृत्यू झाल्यापासून निलंबित पीएसआय गोपाळ बदने याच शेवटचं लोकेशन पंढरपुरात असल्याची माहिती पोलिसांनी मिळाली होती. त्यानंतर पोलिसांनी कसून शोध घेतला होता.

आरोपी गोपाळ बदने दोन दिवसात पंढरपूरहून सोलापूरला गेला होता. त्यानंतर तो त्यांच्या घरी म्हणजेच बीडला घरी जाऊन आला. त्यानंतर त्याने काल रात्री उशीरा थेट पोलीस चौकीत हजर होत पोलिासंच्या स्वाधीन झाला. पोलीस उपनिरीक्षक गोपाल बदने याने शनिवारी रात्री उशिरा फलटण ग्रामीण पोलीस ठाण्यात स्वत:हून सरेंडर केलं. रात्री जवळपास साडेबारा वाजता तो पोलीस ठाण्यात हजर झाल्याचं सांगितलं जात आहे.

हाती आलेल्या माहितीनुसार बदने हा सोलापुरच्या काही पोलिसांच्या संपर्कात होता. तो सोशल मीडियाद्वारे संपर्कात होता, अशी माहिती आहे. पीएसआय बदणे पोलीस स्टेशनमध्ये हजर झाले नाही तर त्यांना बडतर्फ केले जाईल, असं बदनेच्या कुटूंबियांना पोलिसांनी सांगितले. त्यानंतर बदने पोलीस चौकीत हजर झाल्याचं सांगितलं जात आहे.

सरेंडर झाल्यानंतर पोलीस अधिकाऱ्यांनी केलेल्या चौकशीत पीएसआय बदने याने गुन्ह्याबाबत माहिती दिली. महिला डॉक्टरवर कसल्याही प्रकारे अत्याचार केला नाही. यासह त्याने त्याने इतरही काही गोष्टी पोलिसांना सांगितल्या. पण संबंधित डॉक्टरसोबत त्याचे काही संबंध होते का? दोघांच्या संमतीने लैंगिक संबंध ठेवण्यात आले होते का? याबाबत कोणतीच माहिती बदणे दिली नाहीये.