सातारा : सातारा जिल्ह्यामध्ये भाजपासाठी जे लोकसभेची मागणी करतायेत ते माझ्यासाठीच प्रयत्न करत आहेत; असा मिश्किल टोला खासदार उदयनराजे भोसले (Udayanraje Bhosale) यांनी लगावला आहे. यामुळे थेट लोकसभेच्या उमेदवारीसाठी साताराचा (Satara) उमेदवार म्हणून मीच असे संकेत त्यांनी दिले आहेत. (Live Marathi News)

साताऱ्यात झालेल्या पत्रकार परिषदेत बोलताना खासदार भोसले हे वक्तव्य केले आहे. खासदार उदयनराजे यांनी उमेदवारीबाबत भाष्य करत मागील लोकसभेवेळी मला लोकांनी राजकीय आत्महत्या करताय असं सांगितले होतं. अवघ्या तीन महिन्यात मी लोकसभेचा राजीनामा दिला. राजीनामा देणे म्हणजे तोंडचे काम नव्हते. कोणी निवडून आलेला सरपंच पदाचा राजीनामा देखील देताना विचार करतो. मात्र मी ज्या घराण्याचे नाव सांगतो त्या घराण्याचा विचारांशी मी बांधील आहे आणि तत्त्व आणि विचार महत्त्वाचे मानतो. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

राष्ट्रवादीचे विचार पटत नव्हते, म्हणूनच मी भाजपमध्ये (BJP) आलो. जेव्हा जेव्हा मी माझे विचार मांडले. त्यावेळी मी घराचा आहेर देतोय असं सांगितले गेले. भाजपच्या सातारा लोकसभेच्या उमेदवारीसाठी जे प्रयत्न करतायेत जे इच्छा व्यक्त करतात, ते केवळ माझ्याच उमेदवारीसाठी करत आहेत; असा मिश्किल टोला देऊन अखेर लोकसभेच्या उमेदवारीचे संकेत भाजपच्या केंद्रीय मंत्री अजय कुमार मिश्रा यांच्या समोरच दिले आहेत.