सातारा : सातारा जिल्हा बॅंकेची निवडणुकीचे वारे सध्या जिल्ह्यात वाहू लागले आहे. त्यातच आज भाजपचे खासदार उदयनराजे भाेसले आणि राष्ट्रवादीचे नेते विधान परिषदेचे सभापती यांची शासकीय विश्रामगृहात झालेली भेट चर्चेची विषय ठरली आहे. satara-breaking-news-udayanraje-bhosale-meets-ramraje-naik-nimbalkar-sml80

जिल्हा बॅंकच्या निवडणुकीत सर्वपक्षीय पॅनेल असेल की खासदार उदयनराजे भाेसले आणि राष्ट्रवादी विराेधकांना साेडून पॅनेल असेल याची चर्चा सध्या रंगत आहे. दरम्यान आज (शुक्रवार) उदयनराजे हद्दवाढ क्षेत्रातील विविध विकासकामांचे भूमीपूजन, लाेकार्पण करुन शासकीय विश्रामगृह येथे गेले. ते विधान परिषदेचे सभापती रामराजे नाईक निंबाळकर हाेते. उदयनराजेंनी रामराजेंची भेट घेतली. उभयत्यांमध्ये चर्चा झाली. त्यानंतर दाेघेही आपआपल्या नियाेजीत कार्यक्रमांना रवाना झाले.

खासदार उदयनराजे भाेसले आणि विधान परिषदेचे सभापती रामराजे नाईक निंबाळकर या दाेन नेत्यांच्या भेटीचे छायाचित्र साेशल मिडियावर देखील व्हायरल झाले. या भेटीत जिल्हा बॅंक निवडणुकीविषयी चर्चा झाल्याची माहिती सूत्रांकडून समजली. परंतु रामराजेंनी त्यास दुजाेरा दिला नाही.

edited by : siddharth latkar