Parbhani News Today: भारतीय जनता पक्षाचे ग्रामीण जिल्हाध्यक्ष म्हणून केंद्रीय कार्यकारिणी सदस्य संतोष मुरकुटे यांच्यावर पक्षाने मोठी जबाबदारी सोपवली आहे. भारतीय जनता पक्षाच्या महाराष्ट्र राज्यातील ग्रामीण आणि शहरी जिल्हाध्यक्षांच्या आज नेमणुका जाहीर केल्या आहेत. (Latest Marathi News)

महाराष्ट्र राज्यातील परभणी सह 25 जिल्ह्यातील ठिकाणी नवीन जिल्हाध्यक्ष नेमणूक करण्यात आली आहे. भारतीय जनता पक्षाच्या (BJP) परभणी ग्रामीण जिल्हाध्यक्षपदी गंगाखेड विधानसभा मतदारसंघाचे नेते संतोष मुरकुटे यांची वर्णी लागली आहे. (Parbhani)

अलीकडेच परभणी येथे ग्रामीण आणि शहरी भागातील नेत्यांच्या जिल्हाध्यक्ष पदासाठी मुलाखती घेण्यात आल्या होत्या. दुसरीकडे गंगाखेड विधानसभा मतदारसंघातील भाजपचे कार्यकारणी सदस्य संतोष मुरकुटे यांनीही जिल्हाध्यक्ष पदासाठी इच्छा व्यक्त केली त्यांची गंगाखेड विधानसभा मतदारसंघाची निवडणूक लढवण्याची देखील तयारी आहे.