Santosh Deshmukh Case Update : मस्साजोगचे सरपंच संतोष देशमुखांची निर्घूण हत्त्या करणाऱ्या आरोपींचा सीसीटीव्ही व्हिडीओ समोर आला आहे. याआधी देखील सरपंच हत्येप्रकरणाचे अनेक सीसीटिव्ही समोर आलेत.. पण या सीसीटीव्हीत तुम्हाला सरपंचाची निर्घृण हत्या करुन त्यांचा छिन्नविच्छिन मृतदेह केजच्या जंगल शिवारात फेकून हे मारेकरी पळतांना दिसतायत. त्यामुळे हा सीसीटीव्ही पुन्हा पाहा.

या सीसीटीव्हीत एक काळ्या रंगाची स्कॉर्पिओ वेगात येतांना दिसतेय. या संपुर्ण हत्त्या प्रकरणात काळ्या स्कॉर्पिओचा वापर हा गॅग्स ऑफ परळीतील दहशतवादाची ग्वाही देतोय. धाराशीवच्या वाशी इथं वेगात आलेली स्कॉर्पिओ कचकन ब्रेक दाबून थांबते. आणि त्यातून एक एक करत सगळे ६ आरोपी बाहेर पडतायेत....जणू काहीही न केल्यासारखे इथून गाडी सोडून धूम ठोकतानाची ही दृष्य.

या आरोपींसोबत गेल्या २ महिन्यांपासून पोलिसांना गुंगारा देणारा कृष्णा आंधळे देखिल आहे. त्यामुळे या अटकेतील आरोपींना कृष्णा आंधळे कुठे आहे हे नक्कीच माहित असावं असा ही संशय व्यक्त होतोय. हत्या केल्यानंतर हे सगळे आरोपी एकत्रच मोकाट फिरत गॅग्स् ऑफ परळीची दहशत माजवत असल्याचं या दृष्यांमधून दिसतंय. त्यामुळे या हत्त्या प्रकऱणात या सीसीटीव्ही फुटेजची आरोपींना शिक्षा देण्यास मदत होणार का?