श्री संत ज्ञानेश्वर महाराज पालखी सोहळा 29 जूनला सुरू होणार आहे. या पालखी साेहळ्याचे 6 जुलैला सातारा जिल्ह्यात आगमन होणार आहे. तसेच 11 जुलैला पालखी सातारा जिल्ह्यातून सोलापूर जिल्ह्यात प्रवेश करणार आहे अशी माहिती सातारा जिल्हा प्रशासनाने साम टीव्हीला दिली.

पालखी सोहळ्याचा सातारा जिल्ह्यातील कार्यक्रम पुढीलप्रमाणे असणार आहे. शनिवार (ता. 6 जुलै) निरा पूल, सकाळचा विसावा निरा पूल दुपारचा नैवेद्य व निघण्याचे ठिकाण निरा पूल. दुपारचा विसावा निरा पूल, रात्रीचा मुक्काम लोणंद.

रविवार ता. 7 जुलैला लोणंद येथे दिवसभर व रात्रीचा मुक्काम असेल तर सोमवार ता. 8 जुलैला सकाळचा विसावा व दुपारचे भोजन लोणंद येथे घेऊन दुपारी लोणंद येथून निघून दुपारचा विसावा चांदोबाचा लिंब येथे होईल तर मुक्काम तरडगांव येथे होणार आहे.

मंगळवार ता. 9 जुलैला सकाळी तरडगाव येथून प्रस्थान होईल. सकाळचा विसावा दत्तमंदिर काळज, दुपारचे भोजन निंभोरे ओढा, दुपारचा विसावा वडजल व फलटण दूध डेअरी, रात्रीचा मुक्काम फलटण (विमानतळ).

बुधवार ता. 10 जुलैला सकाळी फलटण येथून प्रस्थान, सकाळचा विसावा विडणी, दुपारचे भोजन पिंपरद, दुपारचा विसावा निंबळक फाटा, रात्रीचा मुक्काम बरड येथे असेल. गुरुवार ता. 11 जुलैला बरड येथून प्रस्थान, सकाळचा विसावा साधबुवाचा ओढ, दुपारचे भोजन धर्मपुरी पाटबंधारे बंगला कॅनॉलजवळ, दुपारचा विसावा शिंगणापूर फाटा (पानसकर वाडी) येथून सोलापूर जिल्ह्यात प्रवेश व रात्रीचा मुक्काम नातेपुते (जि. सोलापूर) येथे राहील.

Edited By : Siddharth Latkar