सांगली Crime News : येथील विश्रामबाग परिसरातील अमित सुदाम माखिजा याच्या टोळीस सांगलीसह सातारा, कोल्हापूर, सोलापूर या चार जिल्ह्यातून दोन वर्षाकरिता तडीपार करण्यात आले आहे. ही कारवाई अमित माखिजा यांच्यासह सुमित माखिजा, अखिलेश उर्फ लिंब्या, महेश दरूमठ, ऋषिकेश आरगेवर झालेली आहे. या चौघांवर विश्रामबाग, सांगली शहर, रत्नागिरी, कोल्हापूर (राजारामपुरी) पोलिस ठाण्यात विविध प्रकारचे १३ गुन्हे दाखल आहेत. पोलिस अधीक्षक दीक्षित गेडाम dixit gedam यांच्या कारवाईमुळे गुन्हेगारांचे धाबे दणाणले आहे.

या टोळीची वाढती गुन्हेगारी मोडीत काढण्यासाठी विश्रामबाग पोलिस ठाण्याने टाेळीचा तडीपारीचा प्रस्ताव पोलिस अधीक्षक गेडाम यांच्याकडे पाठवला होता. गेडाम यांनी हा अहवाल आल्यावर या टोळीविरुद्ध असलेले गुन्हे सद्यस्थितीत अहवाल, त्यांच्या हालचाली आणि बलात्काराचा गंभीर गुन्हा या बाबी विचारात घेऊन चौघांना चार जिल्ह्यातून तडीपार करण्याचा आदेश पारित केला आहे.

त्यानूसार अमित माखिजा याच्या टोळीस सांगलीसह सातारा, कोल्हापूर, सोलापूर या चार जिल्ह्यातून दोन वर्षाकरिता तडीपार करण्यात आले आहे. आगामी काळात कायदा व सुवव्यस्था अबाधित राखण्यासाठी गुन्हेगारांवर अजून कठाेर कारवाई करण्याचा मानस असल्याचे गेडाम यांनी नमूद केले.

edited by : siddharth latkar