Sangli News :

सांगलीच्या कृष्णा नदी पात्रात मगरींचा वावर आहे, हे त्या परिसरात राहणाऱ्या नागरिकांना माहित आहे. मगरींचा नदीपात्रात वावर असल्याचे अनेक व्हिडीओ देखील समोर आले आहेत. असाच एक थरकाप उडवणारा व्हिडीओ समोर आला आहे. ज्यामध्ये नदीत पोहणारा तरुण आणि मगर समोरासमोर आले आहेत.

सांगलीतील हा व्हिडीओ असल्याची माहिती समोर आली आहे. व्हिडीयोत दिसत आहे त्यानुसार एक तरुण कृष्णा नदीत पोहताना दिसत आहे. नदीपात्रात पोहत असताना त्याच्या काही अंतरावरच पाण्यात मगर असल्याचे काठावर उभ्या असलेल्या काही जणांनी पाहिलं.

राजदीप कांबळे असं या तरुणाचं नाव आहे. मगर ज्या ठिकाणी होती त्या दिशेनेच तरुण पोहत जात होता. त्यामुळे संभाव्य धोका ओळखून काठावरील काही तरुण जीवाच्या आकांताने ओरडून तरुणाला सावध करताना दिसत आहे. (Viral VIdeo)

मात्र तरीही तरुण वेगाने अंतर कापत मगरीच्या दिशेने जाताना दिसत आहे. तरुणांच्या समोर मगर आल्यानंतर मगर पाण्यात बुडाली आणि नंतर मगरीच्या बाजून पोहत जात तरुणाने आपला जीव वाचवला. (Latest Marathi News)