Sangli News : महाराष्ट्र, कर्नाटक, छत्तीसगड राज्यामधील चेकपोस्ट बंद करण्याच्या मागणीवरुन राज्यातील वाहतूकदार संघटना आक्रमक झाल्या आहेत. येत्या दोन ऑक्टोबरपासून चक्काजाम करण्याचा वाहतूकदार संघटनेने इशारा दिला आहे. (Maharashtra News)

ऑल इंडिया मोटर ट्रान्सपोर्ट काँग्रेसच्या (all india motor transport congress) दिल्लीतील बैठकीत हा निर्णय झाला असल्याची माहिती वाहतूकदार संघटनेचे केंद्रीय कार्यकारिणी सदस्य बाळासाहेब कलशेट्टी यांनी सांगलीत माध्यमांशी बाेलताना दिली. यावेळी सुरेंद्र बोळाज, महेश पाटील आदी पदाधिकारी उपस्थित हाेते.

कलशेट्टी म्हणाले देशभरातील तपासणी नाके बंद करण्याचे आश्वासन पंतप्रधान नरेंद्र मोदी यांनी दिले होते. तरीही १३ राज्यांत नाके अद्याप सुरू आहेत. महाराष्ट्र, कर्नाटक व छत्तीसगड या राज्यांना नाके बंद करण्यासाठी २ ऑक्टोबरपर्यंतची मुदत दिली आहे.

त्यानंतर या राज्यांत चक्काजाम करावा लागेल असा इशारा देखील कलशेट्टींनी दिला. तपासणी नाक्यांवर मोठ्या प्रमाणात भ्रष्टाचार चालतो, त्यामुळे ते बंद झालेच पाहिजेत. शासनाने वाहतुकीचे किमान भाडे व त्याची व्याख्या निश्चित करावी अशीही मागणी वाहतूकदार संघटनेकडून करण्यात आली.

Edited By : Siddharth Latkar