Sangli News : सांगली जिल्ह्यात पुरोगामी महाराष्ट्राला काळीमा फासणारी घटना घडली आहे. सांगली जिल्ह्यात सध्या ग्रामपंचायत निवडणुका पार पडत आहेत. या पार्श्वभूमीवर उमेदवारांनी कंबर खचली आहे. त्यातच विरोधकांवर भानामती करण्याचा प्रकार उघडकीस आला आहे. या घटनेवर राज्यभरातून प्रतिक्रिया उमटत आहेत. (Latest Marathi News)

सांगली (Sangli) जिल्ह्यातील खानापूर आणि वाळवा तालुक्यात हे प्रकार आढळून आले आहेत. उमेदवार निवडून येण्यासाठी आता जादुटोणा-भानामतीचा आधार घेवू लागले आहेत. त्यामुळे ग्रामपंचायत निवडणुकीत असा प्रकार घडल्याने सांगली (Sangli) जिल्ह्यात एकच चर्चा सुरू झाली आहे.

सांगली जिल्ह्यातील वाळवा तालुक्यातील वारणाकाठी असलेल्या कनेगावात ग्रामपंचायत निवडणुकीत निवडून येण्यासाठी आता अंधश्रद्धेचा आधार घेतल्याचा प्रकार समोर आला आहे. कोणीतरी दुरडीत केळी, कापडपीस, बाहुल्या, लिंबू, हळदी-कुंकू टाकून हे साहित्य कणेगावच्या चौका चौकात मंगळवारी, बुधवारी मध्यरात्री ठेवले होते.

वाळवा तालुक्यातील कनेगाव येथील मारूती चौक, हायस्कूल चौक, भरतवाडी रोड, नवीन गावठाण वसाहत अशा प्रत्येक ठिकाणी अशा भानमतीच्या दुरड्या लोकांचे लक्ष वेधत आहेत. (Sangli News In Marathi)

दुसरीकडे खानापूर तालुक्यातील जाधवनगर येथेही भानामतीचा प्रकार समोर आला आहे. प्रचाराच्या बॅनर समोर नारळ, हळदी कुंकू, लिंबू आढळून आले आहे. या घटनेने परिसरात विविध चर्चा रंगू लागली आहे.