सांगली : सांगली महापालिकेच्या विरोधात शिवसेना शिंदे गटाच्यावतीने थेट कृष्णा नदीच्या पात्रात उड्या मारत आंदोलनाला सुरवात करण्यात आली आहे. महापालिकेच्या कारभाराच्या निषेध करत शिवसैनिकांनी जलसमाधी आंदोलन सुरु करण्यात आले आहे. दरम्यान या आंदोलनात काहींनी जलसमाधी  मात्र सुरक्षा रक्षकांनी त्यांना बाहेर काढले. 

शिवसेना शिंदे गट आणि सांगली महापालिकेच्या संयुक्त विद्यमाने चार महिन्यांपूर्वी कृष्णा नदीच्या काठावर कृष्णामाई महोत्सवाचे आयोजन करण्यात आलं होतं. या आयोजनासाठी पालिकेकडुन निधीची तरतूद देखील करण्यात आली होती. मात्र उत्सव होऊन चार महिने उलटली आहेत. तरी देखील संबंधित ठेकेदारांची बिले महापालिकेकडून अदा करण्यात आलेली नाही. पाठपुरावा सुरु असताना अद्याप बिल निघालेले नाही. 

संतप्त शिवसैनिकांचे आंदोलन 

दरम्यान वारंवार मागणी करून देखील पालिकेकडून टाळाटाळ करण्यात येत असल्याचा आरोप करत शिवसेनेच्यावतीने करण्यात आला आहे. यामुळे महापालिकेचा निषेध म्हणून थेट कृष्णा नदीच्या काठावरच आंदोलन करण्यात आले आहे. कृष्णा नदीच्या पात्रामध्ये उतरत पाण्यात उभे राहून महापालिके विरोधात जोरदार घोषणाबाजी देखील करण्यात आली.

तिघांना सुरक्षारक्षकांनी काढले बाहेर 

महापालिकेकडून दखल घेण्यात येत नसल्याने संतप्त शिवसैनिकांनी आंदोलन छेडले आहे. यात ठाकरे गट शिवसैनिकांनी कृष्णा नदीमध्ये उड्या घेत जलसमाधी घेण्याचा प्रयत्न केला. मात्र यावेळी नदीकाठावर असणाऱ्या सुरक्षा रक्षकांनी शिवसेनेच्या तिघा कार्यकर्त्यांना पाण्यातून बाहेर काढले. तर काही जणांनी पाण्यात उभे राहून घोषणाबाजी करत आंदोलन केले.