सांगली : मिरजेच्या महात्मा गांधी पोलीस ठाणे आणि सांगली वन्य विभागाने संयुक्तरित्या कारवाई केली. या कारवाईत वन्य प्राण्यांची (Sangli) कातडी आणि अवशेष तस्करी करणाऱ्या इसमाला जेरबंद करून सुमारे 28 लाखाचा मुद्देमाल जप्त केला आहे. (Breaking Marathi News)

मिरज पोस्ट ऑफिसजवळ जकात नाक्यासमोर एक इसम वन्य प्राण्याचे (Forest Department) कातडी तस्करी करण्यासाठी येणार असल्याची खात्रीलायक माहिती महात्मा गांधी पोलीस (Police) ठाण्याचे सहाय्यक पोलीस निरीक्षक रविराज फडणीस तसेच सहायक वनपाल युवराज पाटील यांच्या पथकाला मिळाली होती. त्या ठिकाणी छापा मारून एका इसमाला ताब्यात घेण्यात आले. त्याच्याकडे दोन प्लास्टिक पोत्याची झडती घेतली असता पोत्यामध्ये बिबट्याचे कातडे, सांबरची दोन शिंगे व खवल्या मांजराच्या अंगावरील सुमारे 18 किलो वजनाचे खवल्या आढळून आले.

तस्‍करी करणारा ताब्‍यात

वन्य प्राण्यांची कातडी तस्करी करणाऱ्या अशोक सदाशिव कदम (वय 55 रा. कदमवाडी राधानगरी, कोल्हापूर) याला पोलिसांनी अटक करून 28 लाखाचा मुद्देमाल जप्त केला आहे. अशोक सदाशिव कदम याला पोलिसांनी अटक करून न्यायालयात हजर केले असता न्यायालयाने चार दिवसांची पोलीस कोठडी सुनावली आहे.