सांगली: सांगली (Sangli) जिल्ह्यातील कडेगाव तालुक्यात गाडी पासिंगसाठी लाच मागितल्यानंतर सामाजिक कार्यकर्ते प्रमोद मांडवे यांनी आपली कपडे काढून अधिकाऱ्याला देत आंदोलन केलं. या आंदोलनाचा व्हिडिओ देखील समाज माध्यमावर (Social Media) व्हायरल झाला आहे.

प्रसार माध्यमातून या आंदोलनाच्या बातम्या आल्यानंतर संबधित RTO अधिकारी आणि कर्मचाऱ्यावर कारवाई होण्याची मागणी होत असताना अधिकाऱ्यांवर कारवाई करण्या ऐवजी आंदोलन करणाऱ्या प्रमोद मांडवे यांच्यावरच सरकारी कामात अडथळा आणल्या प्रकरणी आरटीओ विभागाने पोलिसात गुन्हा दाखल केला आहे. त्यामुळे आरटीओ विभागाच्या या कारभाराविषयी सर्वत्र संतप्त प्रतिक्रिया उमटत आहेत.

दरम्यान. आंदोलनानंतर तक्रार मागे घेण्यासाठी, आपल्याला मॅनेज करण्याचा प्रकार झाला, मी त्या गोष्टीला तयार झालो नाही. त्यामुळे माझ्यावर खोटा गुन्हा दाखल केला असल्याचा गंभीर आरोप सामाजिक कार्यकर्ते प्रमोद मांडवे यांनी केला आहे.