छत्रपती संभाजीनगर : कौटुंबिक शेत जमिनीच्या वादातून ४८ वर्षीय सावत्र आईची ३३ वर्षांच्या मुलाने धारदार विळ्याने गळा चिरून (Crime News) हत्या केली. हा धक्कादायक प्रकार वैजापूर तालुक्यातील अगरसायगाव (Sambhajinagar) येथे घडला. आशाबाई घमाजी जाधव असे हत्या झालेल्या महिलेचे नाव आहे. (Latest Marathi News)

अगरसायगाव (छत्रपती संभाजीनगर) येथील नानासाहेब जाधव यांचे शेत जमिनीवरून सावत्र आई आशाबाई यांच्याशी भांडण होऊन शाब्दिक चकमक उडाली होती. या रागाच्या भरात नानासाहेब याने सावत्र आईच्या गळा व चेहऱ्यावर विळ्याने वार केला. यात तिचा (Police) मृत्यू झाला.

विहिरीत उडी मारत आत्‍महत्‍येचा प्रयत्‍न

रागात आईची विळ्याने हत्या केल्यानंतर भांबावलेल्या नानासाहेबने शेतातील विहिरीकडे पळत जाऊन उडी घेऊन आत्महत्या करण्याचा प्रयत्न केला. मात्र नागरिकांनी त्याला विहिरीतून बाहेर काढले. घटनेची माहिती वैजापूर पोलिसांना दिल्यानंतर वैजापूर पोलीस घटनास्थळी दाखल झाले. यानंतर आरोपी नानासाहेब जाधवला ताब्यात घेतले.