रामू ढाकणे 

छत्रपती संभाजीनगर : छत्रपती संभाजीनगर शहरावरील पाणी टंचाईचे विघ्न कायम आहे. एकीकडे नागरिकांना पाणी टंचाईचा सामना करावा लागत असून अनेक भागांमध्ये १२ दिवसांपासून पाणी पुरवठा नाही. तर दुसरीकडे (Sambhajinagar) शहराला पाणी पुरवठा करणारी जलवाहिनी कुठेनाकुठे फुटत असल्याने पाण्याची नासाडी होत आहे. (Breaking Marathi News)

छत्रपती संभाजीनगर शहराला पाणी पुरवठा करणारी पाईप लाईन पैठण- छत्रपती संभाजीनगर महामार्गावर पिंपळवाडीजवळ रस्त्याचे काम चालू असताना पुन्हा जलवाहिनी पुन्हा एकदा फुटली. त्यामुळे लाखो लिटर पाण्याची नासाडी झाली आहे. परिणामी जलवाहिनी फुटल्याने शहरातील पाणी पुरवठ्याचे (Water Scarcity) वेळापत्रक पुन्हा पुढे ढकलण्याची वेळ येणारं आहे. काही भागांत तर १० ते १२ दिवसांपासून नळाला पाणी नसल्याने नागरिकांवर पाणी बाणी करण्याची वेळ आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गेल्या पंधरा दिवसांपासून शहराला पाणी पुरवठा करणारी मुख्य जलवाहिनी दररोज कुठे ना कुठे फुटत आहे. छत्रपती संभाजीनगरला पाणीपुरवठा करणारी पाईपलाईन जर फुटली, तर या संबंधितावरती गुन्हे दाखल करण्याचे आदेश खंडपीठाने दिले होते. यावरती प्रशासन गुन्हे दाखल करणार का? असा प्रश्न सर्वांना उपस्थित झाला आहे. मात्र ही पाईप लाईन फुटली असल्याने या ठिकाणी जवळपास कमरेपर्यंत पाणी रस्त्यावरती  ठीकठिकाणी साचलेले आहे.