अमरावती : शिवप्रतिष्ठान हिंदुस्तानचे संभाजी भिडे हे आपल्या वादग्रस्त वक्तव्यांमुळे नेहमीच चर्चेत असतात. संभाजी भिडे यांनी अमरावती मध्ये पुन्हा एकदा वादग्रस्त वक्तव्य केले आहे. "कोरोना काळात 105 टक्के लोक भीतीनेच मेले. जेवढा शिकलेला माणूस तेवढा तो गाढव. डॉक्टर नालायक आहेत, ते लुटारू आहेत. डॉक्टर हरामखोर आहेत. डॉक्टर आपटून मारायच्या लायकीचे आहेत. त्यांच्याकडे कधीही जाऊ नका" असं वादग्रस्त आणि धक्कादायक वक्तव्य संभाजी भिडे (Sambhaji Bhide) यांनी केलं आहे. त्यांच्या या वक्तव्यामुळे डॉक्टर (Doctor) संघटना आक्रमक होण्याची आणि नवा वाद निर्माण होण्याची शक्यता आहे. संभाजी भिडे हे अमरावती (Amravati) मध्ये भारतीय जनता पार्टी युवा मोर्चाच्या वतीने आयोजित कार्यक्रमासाठी आले होते.

(Sambhaji Bhide Latest News)