खेड : देशाच्या रक्षणासाठी प्राणपणाने लढणाऱ्या, आपल्या जीवाची पर्वा न करता अहोरात्र देशाच्या सीमेच्या सुरक्षेसाठी झटणाऱ्या भारतीय सैन्य दलाच्या (Indian Army) शौर्याला आणि धैर्याला आज भारतीय सैन्य दिनानिमित्ताने क्रांतीकारक हुतात्मा राजगुरुंच्या जन्मस्थळावरुन सलामी देण्यात आली. यावेळी माजी सैनिक दलाची नववर्षाची दिनदर्शिकेचे प्रकाशन करण्यात आले.

हे देखील पहा :

क्रांतीकारक हुतात्मा राजगुरु वाड्याला क्रांतीचा वारसा आहे आज भारतीय सैन्य दलाने क्रांतीचा वारसा जतन करत भारतीय सैन्य दलाच्या शौर्य आणि धैर्याला आज सलामी देण्यात आली यावेळी माजी सैनिकांसह महिलांचाही सहभाग पहायला मिळाला.

यावेळी हुतात्मा राजगुरु जन्मस्थळावर १९०६ ते १९४७ पर्यतच्या स्वतंत्र लढ्यात वापरण्यात आलेले राष्ट्रध्वज राजगुरुवाड्यावर उभारण्यात आले असुन यासाठी हुतात्मा राजगुरु स्मारक समितीचे अध्यक्ष अतुल देशमुख यांनी स्वखर्चातून स्वातंत्र्य (Independence) काळातील स्वातंत्र्याच्या लढ्यातील वैभव उभे राहिले आहे. यासाठी खेड तालुक्यातील माजी सैनिकांचे मोलाचे योगदान मिळाले आहे.

भारतीय सैन्य दलाच्या शौर्य आणि धैर्याला सलामी सोहळ्याला हुतात्मा राजगुरु स्मारक समितीचे अध्यक्ष अतुल देशमुख, बाळासाहेब कहाणे, नरेंद्र गायकवाड, विठ्ठल पाचारणे, माजी सैनिक संतोष भोगाडे, तान्हाजी टोपे, चंद्रशेखर जाधव, कैलास गारगोटे उपस्थित होते.

Edited By : Krushnarav Sathe