Salman Khan & Zeeshan Siddique Death Threat : बाबा सिद्दीकी यांची गोळी झाडून हत्या केल्याच्या घटनेला महिना भर झाला नाही, तोच त्यांचा मुलगा झिशान सिद्दीकी यांना जीवे मारण्याची धमकी देण्यात आली आहे. झिशान सिद्दीकी यांना धमकीचा फोन आल्यामुळे राजकीय वर्तवळात खळबळ उडाली आहे.

आमदार झिशान सिद्धीकी यांना जिवे मारण्याची धमकी देण्यात आली आहे. झिशान सिद्धीकी यांच्या वांद्रे पूर्व येथील जनसंपर्क कार्यालयातील धमकीचा फोन आला होता. याप्रकरणी पोलिसांत तक्रार नोंदवण्यात आळी आहे.

शुक्रवारी सायंकाळी झिशान सिद्दीकी यांना जिवे मारण्याची धमकी देणारा फोन आला होता. फोनवरील व्यक्तीने झिशान सिद्धीकी आणि अभिनेता सलमान खान यांना मारण्याची धमकी देऊन पैशांची मागणी केली. याप्रकरणी झिशान सिद्धीकी यांच्या कार्यालयातील कर्मचार्याने दिलेल्या तक्रारीनुसर निर्मलनगर पोलिस ठाण्यात गुन्हा दाखल केला आहे. पोलिस तपास करत आहेत.