नाशिक मध्ये होणाऱ्या 94 व्या अखिल भारतीय मराठी साहित्य संमेलनाचे उद्घाटन कोणाच्या हस्ते होणार याची उत्सुकता अखेर संपली असून, प्रसिद्ध कादंबरीकार विश्वास पाटील यांच्या नावावर शिक्कामोर्तब झाले आहे. प्रसिद्ध लेखक, ज्येष्ठ कादंबरीकार विश्वास पाटील यांच्या हस्ते साहित्य संमेलनाचे उद्घाटन होणार असून यासोबतच विशेष अतिथी म्हणून मुख्यमंत्री उद्धव ठाकरे आणि गीतकार जावेद अख्तर हे उपस्थिती लावणार आहेत.

3 ते 5 डिसेंबर दरम्यान भुजबळ नॉलेज सिटीमध्ये 94 वे अखिल भारतीय मराठी साहित्य संमेलन भरणार आहे. गोदावरी तीरी होऊ घातलेल्या आणि मराठी साहित्यातील प्रसिद्ध कवी तथा लेखक कुसुमाग्रज यांच्या नगरीत हे 94 वे अखिल भारतीय मराठी साहित्य संमेलन पार पडणार असून खगोल शास्त्रज्ञ व लेखक यांना अध्यक्षपदाचा बहुमान मिळालेला आहे.

या साहित्य संमेलनाचा समारोप राष्ट्रवादीचे अध्यक्ष शरद पवार आणि ज्येष्ठ साहित्यिक नरेंद्र चपळगावकर यांच्या हस्ते होणार असल्याची माहिती स्वागताध्यक्ष छगन भुजबळ यांनी दिली आहे. त्यामुळे नाशिकात होणाऱ्या यंदाच्या साहित्य संमेलनाची जय्यत तयारी सुरु आहे.

Edited By : Krushnarav Sathe