डहाणू विधानसभा मतदारसंघात माकपचा मतदारसंघ मानला जातो. गेल्या अनेक वर्षांपासून या मतदासंघात डाव्या पक्षांची सत्ता आहे. या मतदारसंघात यंदाही माकपचं पारडं जड असल्याचं पाहायला मिळत आहे.

राज्यात डहाणू मतदारसंघ महत्वाचा मानला जातो. डहाणू विधानसभा मतदारसंघात मार्क्सवादी कम्युनिस्ट पक्षाकडून विनोद निकोले रिंगणात आहेत. तर भाजपकडून विनोद मेढा रिंगणात उभे आहेत. सकाळ समूहाच्या एक्झिट पोलनुसार, माकपचे विनोद निकोले संभाव्य आमदार असू शकतात. डहाणूचा गड विनोद निकोले यांनी कायम ठेवल्याचं पाहायला मिळत आहे. विनोद निकोले हे संभाव्य आमदार असू शकतात.

डहाणू विधानसभा मतदारसंघात सर्वाधिक जास्त मतदान झालं आहे. डहाणू विधानसभा मतदारसंघ हा शहरी, ग्रामीण आणि डोंगरी अशा तीन भागात विभागलेला मतदारसंघ आहे. सुरुवातीपासून या मतदारसंघात माकपचा दबदबा आहे.

गेल्या अनेक वर्षांपासून माकपचं वर्चस्व कायम आहे. यंदाही माकपने विनोद निकोले यांच्यावर विश्वास दाखवला होता. तर त्यांच्या विरोधात भाजपने विनोद मेढा यांना उमेदवारी दिली होती. तर मनसेनेही या मतदारसंघात उमेदवार दिला आहे. मात्र, या मतदारसंघात मनसेचा प्रभाव कमी आहे. त्यामुळे या मतदारसंघात थेट लढत माकप विरुद्ध भाजप अशी आहे. या लढतीत विनोद निकोले बाजी मारू शकतात.