Pandharpur News : राज्य सरकारने दूध खरेदीत वाढ केली आहे. परंतु खाजगी दूध संघ चालक दूधाची केलेली दरवाढ देत नाहीत असा आराेप करीत आज (शनिवार) रयत क्रांती संघटनेने पंढरपुरात रस्त्यावर दूध ओतून आंदोलन केले. (Maharashtra News)

दूध उत्पादक शेतकऱ्यांच्या मागणीचा विचार करुन शिंदे-फडणवीस सरकारने दुधाला किमान ३४ रुपये दर देण्याचे निश्चित केले आहे. त्याबाबत राज्य शासनाने आदेश देखील काढला. परंतु खाजगी दूध संघ चालक दूधाचा वाढीव दर देणार का असा प्रश्न उपस्थित झाला हाेता. ही शंका दूर हाेण्यापुर्वीच खासगी दूध संघ चालकांनी जादा दर देण्यास असर्मथता दर्शवली. त्यामुळे रयत क्रांती संघटना आक्रमक झाली आहे.

खाजगी दूध संस्था चालकांचा निषेध म्हणून आज (शनिवार) पंढरपूरात रयत क्रांती संघटनेने आक्रमक भूमिका घेत रस्त्यावर दूध ओतून आंदोलन केले. हे आंदाेलन क्रांती संघटनेचे प्रदेश कार्याध्यक्ष दीपक भोसले यांच्या नेतृत्वाखाली करण्यात आले. या आंदाेलनात शेतकरी देखील माेठ्या संख्येने सहभागी झाले हाेते.

Edited By : Siddharth Latkar