बुलढाणा : जिल्ह्यात मागील काळात अतिवृष्टी झाली तेव्हा सुद्धा शेतक-यांचे सर्व पीक हातातून गेले. आता परतीच्या पावसाने सुद्धा थोडेफार राहिलेले पीक तेही उध्वस्त झालं. त्यामुळे शेतकरी पराकोटीला गेला. शेतक-यांना आता आत्महत्येशिवाय पर्याय राहिला नाही असेच म्हणावे लागेल स्वाभिमानी शेतकरी संघटनेचे नेते रविकांत तुपकर यांनी नमूद केले. ravikant-tupkar-demands-help-for-farmers-from-maharashtra-government-marathi-news-sml80

तुपकर म्हणाले शेतक-यांकडे राज्य सरकार व केंद्र सरकार पूर्णतः दुर्लक्ष करीत आहे. मागील अतिवृष्टीची आर्थिक मदत मिळाली नाही. आता सुद्धा मिळत की नाही अशी परिस्थिती झाली आहे.

राज्य सरकार व केंद्र सरकारने तात्काळ ओला दुष्काळ जाहीर करावा व कुठलेही निकष अटी न लावता भरीव आर्थिक मदत तातडीने करावी अन्यथा दोन दिवसानंतर स्वाभिमानी शेतकरी संघटना रस्त्यावर उतरून आंदोलन करेल असा इशारा स्वाभिमानी शेतकरी संघटनेचे नेते रविकांत तुपकर यांनी दिला.

edited by : siddharth latkar