कापसाला व सोयाबीनला योग्य हमी भाव एक आठावड्यात सरकारने द्यावा अन्यथा 29 नोव्हेंबरला लाखो शेतक-यांसमवेत मंत्रालयाचा ताबा घेऊ असा इशारा रविकांत तुपकर (ravikant tupkar latest marathi news) at mantralaya यांनी सरकारला दिला हाेता. तुपकरांच्या इशा-यानंतर बुलढाणा पोलीसांनी 149 अंतर्गत नोटीस बजावली आहे. (Maharashtra News)
या आंदोलना पासून परावृत्त करण्यासाठी बुलढाणा पोलीसांनी बजावलेलल्या नोटीस बाबत बाेलताना रविकांत तुपकर म्हणाले अशा नाेटीसेला मी भीक घालत नाही. अशा प्रकारच्या नाेटीसांनी आमची कपाटं भरली आहेत. आंदाेलन करण्याचा आमचा अधिकार आहे. आमची मागणी रेटने हा आमचा अधिकार आहे.
सरकारने कापूस आणि सोयाबीनच्या प्रश्नावर लक्ष द्यावे यासाठी आम्ही मागणी करीत आहाेत, आंदाेलन छेडत आहाेत. हा आमचा गुन्हा असेल तर अशा कितीही नाेटीसा आल्या तर आम्ही घाबरणार नाही.
येत्या 29 तारखेला मुंबईत जाऊन मंत्रालय ताब्यात घेणार म्हणजे घेणार. हे मंत्रालय सामान्य लाेकांच्या पैशातून उभारले गेले आहे. तेथे मंत्री सामान्य शेतक-यांचे प्रश्न साेडविणार नसतील तर ते मंत्रालयात काय अंडी उबवायला बसलेत का? असा सवाल रविकांत तुपकर यांनी उपस्थित करुन ते आपल्या आंदोलनावर ठाम असल्याचे स्पष्ट केले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.