जितेश कोळी

रत्नागिरी : रेल्‍वे ट्रॅक ओलांडत असताना रेल्‍वे येत असल्‍याचे लक्षात आले नाही. यामुळे (Chiplun) चिपळूण तालुक्यातील पेढे कुंभारवाडी (Ratnagiri) येथील उमेश दिलीप मालवणकर या युकाचा रेल्वेची धडक बसल्याने जागीच मृत्यू झाला. (Live Marathi News)

कोकण रेल्वे मार्गावर चिपळूण नजीक असलेल्या पेढे येथे रेल्वे ट्रॅक ओलांडत असताना उमेश याला मुंबईहून रत्नागिरीच्या दिशेने जात असलेल्या एका रेल्वेची धडक बसली. या झालेल्या दुर्दैवी अपघातात उमेश याचा जागीच मृत्यू झाला. या दुर्घटनेची माहिती मिळताच रेल्वे पोलिसांनी घटनास्थळी पोहोचून उमेश याचा मृतदेह शवविच्छेदनासाठी कामथे उपजिल्हा रुग्णालयात पाठवला. उमेश याच्या पश्चात आई, वडील व एक बहीण असा परिवार असून 22 वर्षीय उमेश पश्चात मृत्यूने पेढे कुंभारवाडीवर शोककळा पसरली आहे.