Uddhav Thackeray News : बारसू प्रकल्पाला (barsu refinery) विरोध दर्शविणा-या ग्रामस्थांना भेटण्यासाठी ठाकरे गटाचे शिवसेना पक्षप्रमुख उद्धव ठाकरे हे उद्या (शनिवार) बारसू (uddhav thackeray barsu visit) दाै-यावर जाणार आहेत. दरम्यान पाेलिसांनी ठाकरे गटाच्या रानतळे सभेस मनाई आदेश काढला आहे. (Breaking Marathi News)

बारसू रिफायनरीवरुन काेकणासह राज्यातील राजकारण तापले आहे. खासदार विनायक राऊत यांनी ठाकरेंच्या दाै-यात काळी मांजरं आडवी टाकण्याचा भाजपचा प्रयत्न असल्याचे म्हटलं आहे.

उद्या (शनिवार) रिफायनरी प्रकल्पास विरोध करणा-या आंदोलकांना भेटण्यासाठी उद्धव ठाकरेंना प्रशासनाने परवानगी दिली आहे. मात्र उद्धव ठाकरेंच्या सभेला पोलिसांनी परवानगी नाकारल्याने काेकणातील ठाकरे गटात नाराजीचा सूर पाहयला मिळाला.

दरम्यान उद्धव ठाकरेंच्या हेलिपॅडला प्रशासन आज (शुक्रवार) परवानगी दिली आहे. जैतापूर जवळच्या साखरी इथे हेलीपॅडला परवानगी देण्यात आली आहे. काल रानतळे इथल्या हेलिपॅडला पोलिसांनी नाकारली होती. सुरक्षेचे कारण देत काल परवानगी नाकारली होती. रत्नागिरी निवासी जिल्हाधिकाऱ्यांनी आज जैतापूर जवळच्या साखरी येथे हेलिपॅडला परवानगी दिली आहे.

Edited By : Siddharth Latkar