भरत मोहोळकर, साम टीव्ही प्रतिनिधी

आतापर्यंत पैसे काढण्यासाठी किंवा पैसे जमा करण्यासाठी तुम्ही ATM वापरलं असेल. मात्र आता ATM मधून रेशनचं धान्य मिळणार आहे. पण हे खरंच शक्य आहे का? रेशनचं धान्य देणारं ATM कुठं सुरु झालंय? त्यावरचा हा खास रिपोर्ट....

आतापर्यंत तुम्ही पैसे काढण्यासाठी आणि जमा करण्यासाठी एटीएमचा वापर करत असला. मात्र आता तुम्हाला रेशनचं धान्यही ATMवर मिळणार आहे. ...हे ऐकून तुम्हाला धक्का बसला असेल...मात्र हे खरंय..तुम्हाला आता ATM वर जाऊन धान्य घ्याव लागणार आहे. या रेशनच्या ATM ची वैशिष्ट्ये काय आहेत? पाहूयात...

Grain Dispensing Machine असं या मशीनचं नाव आहे

रेशन कार्ड नंबर आणि बायोमेट्रिक प्रमाणीकरणानंतर धान्याचं वितरण

मशीनद्वारे 5 मिनिटांत 50 किलो धान्याचं वितरण

24 तास एटीएमवर धान्य उपलब्ध असणार आहे.

पंतप्रधान गरीब कल्याण योजनेच्या माध्यमातून सरकार प्रतिव्यक्ती 5 किलो गहू किंवा तांदूळ मोफत देत आहे. जागतिक अन्न वितरण कार्यक्रमांतर्गत ओडिशा सरकारने अन्नपूर्ती मशीनच्या माध्यमातून प्रायोगिक तत्वावर ATM वर धान्याचं वितरण सुरु केलंय... ही मशीन ओडिशातील सर्व जिल्ह्यात लावण्यात येणार असल्याचं ओडिशाच्या अन्न व नागरी पुरवठा मंत्र्यांनी सांगितलंय...या मशीनमुळे रेशनच्या धान्यात होणारा भ्रष्टाचार आणि काटामारी यापासून रेशनधारकांची सुटका होणार आहे. मात्र ही मशीन महाराष्ट्रात कधी आणली जाणार? याकडे साऱ्यांचंच लक्ष लागलंय....