जालना - दिवसेंदिवस कोरोनाचा प्रादुर्भाव वाढत चालला आहे. राज्यात कोरोना (Corona) महामारीचा संसर्ग झपाट्याने वाढत असल्याचे दिसून येत आहे. कोरोना नियमांचे पालन करण्याचे आवाहन नेत्यांकडून करण्यात येत आहे. या विषाणूचा फटका सर्वसामांन्यांपासून ते नेत्यांना सर्वांनाच बसला आहे. असे असताना काही राजकीय नेत्यांना (Political Leaders) देखील कोरोनाची लागण झाल्याचे आढळून येत आहे. त्यात आता केंद्रीय रेल्वे राज्यमंत्री रावसाहेब दानवे (Raosaheb Danve) यांना देखील कोरोना संसर्ग झाला आहे. (Raosaheb Danve Corona Positive)

हे देखील पहा -

रावसाहेब दानवे यांनी ट्विट करत याबाबाद माहिती दिली आहे. रात्री उशिरा ट्विट करत त्यांनी ही माहिती दिली आहे. ट्विट करत ते म्हणले की, कोरोनाची लक्षणे जाणवू लागल्याने,माझी कोरोना टेस्ट केली असता टेस्ट पॉझिटिव्ह आली आहे. पुढील काही दिवस डॉक्टरांच्या सल्ल्याने मी आयसोलेशन मध्ये आहे,याची सर्व कार्यकर्त्यांनी नोंद घ्यावी,त्याच प्रमाणे माझ्या संपर्कात असलेल्यांनी स्वतःची तात्काळ टेस्ट करावी व काळजी घ्यावी असे आवाहन रावसाहेब दानवे यांनी केले आहे.