सांगली : राज्य सरकार (maharashtra government) चालणार नाही असं विरोधक म्हणत असले तरी आमचं राज्य सरकार फक्त अडीच वर्ष नाही तर पुढील दहा वर्षे चालणार आहे. दरम्यान शिंदे आणि फडणवीस यांची जमलेली आहे जोडी, अडीच वर्ष चालणार आहे सत्तेची गाडी असेही आपल्या खास शैलीत केंद्रीय मंत्री रामदास आठवले (ramdas athawale) यांनी नमूद केले. (ramdas athavale latest marathi news)

सांगली जिल्ह्यातील आटपाडी येथे डॉ. शंकरराव खरात जन्मशताब्दी साहित्य संमेलनाच्या उदघाटन प्रसंगी मंत्री रामदास आठवले बोलत होते. साहित्यिक आणि कादंबरीकार डॉ. शंकरराव खरात यांच्या स्मारकासाठी चाळीस कोटी रुपयांचा निधी दिला जाईल अशी ग्वाही मंत्री आठवले यांनी यावेळी उपस्थितांना दिली.

दरम्यान जो पर्यंत नरेंद्र मोदी खंबीरपणे आहेत. तो पर्यंत आम्हांला कोणतीही चिंता नाही. यावेळी आठवलेंनी आपल्या खास शैलीत शिंदे आणि फडणवीस यांची जमलेली आहे जोडी, अडीच वर्ष चालणार आहे सत्तेची गाडी' अशी कविता सादर केली.

Edited By : Siddharth Latkar