सिंधूदूर्ग : सिंधुदुर्ग जिल्हा बँक निवडणुकीचे वातावरण तापू लागलेले आहे. संतोष परब यांच्या हल्ल्यासंदर्भात सहा संशयित आरोपी पकडल्याची माहिती पोलीस अधीक्षक राजेंद्र दाभाडे यांनी माध्यमांना दिला. आमदार नितेश राणे यांच्याबाबत काही न बाेलता या प्रकरणाचा सध्या तपास सुरु आहे इतकेच दाभाडे यांनी म्हटलं. दरम्यान सिंधुदुर्ग जिल्हा न्यायालयात आमदार नितेश राणे यांच्या वकीलांनी राणेंच्या अटकपूर्व जामीनासाठी अर्ज दाखल केल्याची माहिती सुत्रांनी दिली आहे.

दाभाडे म्हणाले एक आरोपी दिल्लीवरून (delhi) कणकवलीत आणण्यात आला आहे. त्यास न्यायालयामध्ये हजर केले. चार जानेवारीपर्यंत संबंधितास पोलिस कोठडी मिळाली आहे. सध्या घटना क्रमाचा तपास सुरू असल्याचं दाभाडे यांनी सांगितले मात्र आमदार नितेश राणे (nitesh rane) यांच्या संदर्भात कोणतेही माहिती दिली नाही.

हे प्रकरण तापले असतानाच आज (साेमवार) आमदार वैभव नाईक यांच्या नेतृत्वाखाली कणकवली पाेलिस ठाण्यावर माेर्चा काढण्यात आला. यावेळी शिवसैनिकांनी संताेष परब यांच्यावरील हल्ल्यासंदर्भात तातडीने मुख्य सूत्रधार आमदार नितेश राणे यांना अटक करावी अशी मागणी केली. दरम्यान सिंधुदुर्ग जिल्हा न्यायालयात आमदार नितेश राणे यांच्या वकीलांनी राणेंच्या अटकपूर्व जामीनासाठी अर्ज दाखल केल्याची माहिती सुत्रांनी दिली आहे.

edited by : siddharth latkar