- अमर घटारे

Amravati News : महात्मा गांधी (mahatma gandhi) यांच्या संदर्भात केलेल्या वक्तव्याची चाैकशी करण्यासाठी शिवप्रतिष्ठान हिंदुस्थानचे प्रमुख संभाजी भिडे (shiv pratishthan hindustan chief sambhaji bhide) यांना अमरावती पाेलिस दलाने नाेटीस बजावली आहे. पोलिसांनी कलम 41 (1) (अ) नुसार संभाजी भिडेंना नोटीस बजावल्याची माहिती साम टीव्हीला दिली आहे. (Maharashtra News)

अमरावती येथील राजापेठ पोलिसांनी संभाजी भिडेंनी त्यांच्यावर दाखल केलेल्या गुन्ह्याच्या संदर्भाने भिडे आणि त्यांच्या सहकार्यांना नोटीस पाठवली आहे. पोलीसांनी चौकशीला बोलावल्यास संभाजी भिडेंना पोलिसात किंवा न्यायालयात हजर राहावे लागणार आहे. संशयित आरोपीला अटक करण्यापूर्वी पोलिसांच्या वतीने नोटीस दिली जाते.

त्यानूसार पोलिसांनी कायद्याच्या कलम 41 (1) (अ) नुसार संभाजी भिडेंना नोटीस देण्यात आली आहे. त्यामुळे भिडे यांना पोलिसांना चौकशीसाठी सहकार्य करावे लागेल असे सूत्रांनी स्पष्ट केले.

संभाजीनगरच्या कार्यक्रमास पाेलिसांनी नाकारली भिडेंना परवानगी

छत्रपती संभाजीनगर शहरात आज (मंगळवार) संभाजी भिडे यांच्या उपस्थितीत एका कार्यक्रमाचे आयोजन करण्यात आले आहे. मात्र, त्या कार्यक्रमाला पोलिसांनी परवानगी नाकारली आहे. काँग्रेससह महाविकास आघाडीने हा कार्यक्रम उधळून लावण्याचा इशारा दिला होता. त्यामुळे कायदा आणि सुव्यवस्थेचा प्रश्न निर्माण होऊ नये म्हणून कार्यक्रमाला परवानगी नाकारण्यात आले आहे.

Edited By : Siddharth Latkar