फय्याज शेख

Kasara News : मध्य रेल्वे मार्गावरील कसारा स्थानकाजवळ एक दुर्दैवा घटना घडली आहे. अचानक आलेल्या एक्सप्रेस ट्रेनने 3 कामगारांना धडक दिली आहे. यामध्ये 3 कामगारांपैकी एकाचा जागीच मृत्यू झाला आहे. तर दोघेजण जखमी आहेत. त्यापैकी एकाची प्रकृती चिंताजनक असल्याची माहिती आहे.

कामगार कल्याण, नासिक, इगतपुरी येथील असून हे कामाला कसारा रेल्वे स्टेशनला होते. पॉईंटवर हे तीन कामगार काम करत असताना अचानक एक्स्प्रेस आली. पाऊस जोरात असल्याने या कामगारांच्या एक्स्प्रेस आल्याचं लक्षात आलं नाही. एक्स्प्रेसने तिन्ही कामगारांना उडवले. त्यातील एक कामगार ट्रॅकखाली आल्याने मृत्यू झाला आहे.

कसारा रेल्वे स्थानकाअंतर्गत येणाऱ्या SNT डिपार्टमेंटमध्ये काम करणारे हे कामगार आहेत. आज संध्याकाळी कसारा पाईंट डाऊन मार्गावर काम करत असताना कल्याणहून कसारा रेल्वे स्टेशनच्या दिशेने जात होती. मात्र मुसळधार पाऊस पडत असताना एक्स्प्रेस येत असल्याचे या तिन्ही कामगारांच्या लक्षात आले नाही.

एक्स्प्रेसने या तिन्ही कामगारांना उडवले. यात रिजवान आलम हा कामगार ट्रॅक खाली आल्याने त्याचा जागीच मृत्यू झाला. तर नीलम मिश्रा व उमेश सिंग हे जखमी झाले आहेत. त्यांना उपचारासाठी रूग्णालयात दाखल करण्यात आले आहे. रिजवान आलम हा इगतपुरी येथील राहणारा होता.