आता राज्यात वाद सुरू झालाय तो रायगडावरील वाघ्या कुत्र्याची समाधीवरून. कुत्र्याची समाधी काढून टाकण्याच्या मागणीचा माजी खासदार संभाजीराजे छत्रपतींनी पुनरुच्चार केला. समाधीची कुठेच ऐतिहासिक नोंद नाही. संरक्षित स्मारकात नोंद नाही, कुत्र्याची समाधी महाराजां पेक्षा जास्त उंचीची आहे, असे मुद्दे मांडत 31 मेपर्यंत ही समाधी हटवण्याची मागणी केलीये. तर दुसरीकडे वाघ्यासाठी काही जण पुढे सरसावलेत.

रायगडावरील वाघ्या कुत्र्याचं शिल्प हटवू देणार नाही, गरज पडल्यास न्यायालयात जाऊ असा इशारा ओबीसी आंदोलक लक्ष्मण हाकेंनी दिलाय. तर इतिहास संशोधक संजय सोनवणी यांनी १८०० शतकातील नोंदी आणि एका जर्मन पुस्तकाचा संदर्भ देत समाधीचं समर्थन केलंय. ाघ्याचा वाद याआधीही झाला होता.संभाजी ब्रिगेडने 2012 मध्ये रायगडावरुन वाघ्याची समाधी हटवली होती. एका दशकानंतर पुन्हा वाघ्या कुत्र्यावरुन वाद उफाळलाय. या समाधीचा काय इतिहास आहे पाहूया.

वाघ्याची समाधी वादात

'वाघ्या' हा छत्रपती शिवाजी महाराजांचा निष्ठावान कुत्रा,अशी आख्यायिका

1680 छत्रपती शिवाजी महाराजांचं निधन, वाघ्याचं चितेत उडी देऊन बलिदान अशी वदंता

समाधीची प्रत्यक्ष उभारणी 20व्या शतकात,समाधीला इंदूरच्या तुकोजी होळकरांकडून निधी

स्मारक ऐतिहासिक नव्हे, तर लोकश्रद्धेचे प्रतीक

यापूर्वीही, 2011 मध्ये संभाजी ब्रिगेडकडून वाघ्याच्या पुतळ्यावर हल्ला

भारतीय पुरातत्व विभागाकडे वाघ्याबाबत कोणतेही ठोस पुरावे नाही

दरम्यान इतिहास अभ्यासक श्रीमंत कोकाटेंनीही वाघ्या संदर्भात इतिहासात कोणताही ठोस पुरावा नाही नसून राम गणेश गडकरींच्या डोक्यातून ही कल्पना आली असा दावा केलाय. दुसरीकडे राष्ट्रवादी काँग्रेसचे आमदार अमोल मिटकरींनीही अधिवेशनात चुकीचा इतिहास रंगवलेल्या काही पुस्तके, नाटक आणि सिनेमांवर बंदी आणण्याची मागणी केली आहे. औरंगजेबाची कबर तर कधी वाघ्याची समाधी.इतिहासातील जुने मुद्दे उकरुन काढून त्याचं राजकारण केलं जातंय. आणि राज्यातल्या जनतेशी निगडीत अनेक महत्वाचे प्रश्न मात्र असेच वाऱ्यावर सोडले जातायत.