गणेश कवडे, साम टिव्ही

मुंबई : मराठी भाषा समिती, अंदाज समिती, लोकलेखा समिती, विशेष हक्क समिती, आश्वासन समिती अशा विधी मंडळातील कामकाजासाठी समिती स्थापन करण्यात आल्या आहेत. मात्र, गेल्या काही दिवसांपासून या समितीवर सदस्याची नेमणूक करायची आहे. यासाठी विधानसभा अध्यक्ष राहुल नार्वेकर यांनी सर्व राजकीय पक्ष यांना पत्र लिहून सदस्यांची नावे सुचवण्याची सूचना केली आली आहे.

मात्र, याकडे सर्व पक्ष दुर्लक्ष करत असल्याचे दिसून येत आहे. त्यामुळे येत्या काळात जर पक्षांनी नावे सुचवली नाहीत. तर आपल्या अधिकार कक्षेत नियुक्ती करण्यात येणार असं राहुल नार्वेकरांनी सांगितलं आहे. त्यामुळे आता तरी राजकीय पक्ष नावे देणार आहेत का नाही? हे पाहणे महत्वाचं आहे.

दरम्यान, विधीमंडळ कामकाजासाठी विविध प्रकारच्या २९ समित्या कार्यरत आहेत. सत्ताधारी पक्षाचे तब्बल २३७ तर विरोधी पक्षाचे ५१ सदस्यांना यात संधी मिळणार आहे.