पोलिसांच्या हातावर तुरी देऊन परदेशात पळालेल्या निलेश घायवळच्या मुसक्या आवळण्यासाठी पुणे पोलिसांनी आता मोठा डाव टाकलाय...घायवळला भारतात आणण्यासाठी पुणे पोलिस थेट इंटरपोलची मदत घेणार आहेत..

पुणे पोलिसांच्या पत्र व्यवहारानंतर इंटरपोलनं घायवळविरोधात "ब्लू कॉर्नर" नोटीस जारी केलीय.. फौजदारी गुन्ह्यांमध्ये सहभागी असलेल्या व्यक्तीची ओळख आणि त्याचा ठावठिकाणा शोधण्यासाठी ही नोटीस काढली जाते... त्यामुळे इंटरनॅशनल क्रिमिनल पोलीस ऑर्गनायझेशन अर्थात इंटरपोल आंतरराष्ट्रीय स्तरावर घायवळचा शोध घेण्यास पुणे पोलिसांना मदत करणार आहे.

दुसरीकडे पुणे पोलिसांनी विशेष 'मकोका' न्यायालयाकडे घायवळचा पासपोर्ट रद्द करण्याची मागणी केलीय...तर घायवळच्या घरातून मोठा मुद्देमालही जप्त करण्यात आलाय..निलेश घायवळशी संबंधित लोकांची चौकशीही सुरु आहे.. घायवळला चारही बाजुंनी घेरण्याचा प्रयत्न पुणे पोलिसांकडून सुरु आहे. मात्र घायवळला भारतात आणण्यात किती कालावधी लागणार याकडे सर्वांचं लक्ष लागलंय.