शिरुर : पुणे– नगर महामार्गावर रांजणगावजवळ वारकरी दिंडीतून कार्तिकी वारीला पायी जात असताना खाजगी बसची धडक (Accident News) लागुन वारकऱ्याचा जागीच मृत्यु झाल्याची दुदैवी घटना घडली. तर एक वारकरी जखमी झाला आहे. गुलाब शेख असे अपघातात मृत्यु (Accident Death) झालेल्या वारकऱ्याचे नाव आहे.

शिरुर (Shirur) तालुक्यातील गोलेगाव येथील ओम चैतन्य कानिफनाथ महाराज पालखी सोहळा ही दिंडी पुणे– नगर मार्गावरुन आळंदीकडे मार्गस्थ झाली होती. यावेळी पाठीमागून भरधाव वेगाने आलेल्या खाजगी बसची धडक वारकरी दिंडीतील दोन वारकऱ्यांना लागली. या अपघातात एका वारकऱ्याचा जागीच मृत्यु झाला.

जखमी वारकरी उपचारासाठी दाखल

एकजण जखमी झाला असुन जखमी वारकऱ्यावर उपचार सुरु आहेत. या प्रकरणी खाजगी बस चालकाविरुद्ध रांजणगाव एमआयडीसी पोलीसांत गुन्हा दाखल करण्यात आला असुन चालकाला अटक करण्यात आली आहे.