पुणे : पुण्यात आईवरून शिव्या दिल्याच्या रागातून ज्येष्ठ नागरिक असलेल्या (Pune Crime News) मित्राचा डोक्यात फरशी मारून खून केला. हा प्रकार पिसोळी येथे घडला. खून करून पळून गेलेल्या संशयित आरोपीला पोलिसांनी (Police) ताब्यात घेतले आहे. (Live Marathi News)

पोलिसांनी दिलेल्या माहितीनुसार बारोट आणि अटक आरोपी ओव्हाळ हे दोघे मित्र असून दोघे मिळून नेहमी दारू पित होते. दरम्‍यान २३ एप्रिलच्या रात्री पिसोळी येथे एका मोकळ्या जागेत ते दारू पित असताना बारोट यांनी ओव्हाळला आईवरून शिवीगाळ केली. याचा ओव्हाळला राग आल्याने त्याने शेजारी पडलेली फरशी बारोट यांच्या डोक्यात व उजव्या डोळ्यावर मारून त्यांचा खून केला.

आरोपी ताब्‍यात

पिसोळी येथील हकीमुद्दीन तायरभाई बारोट (वय ६२) असे खून झालेल्या ज्येष्ठ नागरिकाचे नाव आहे. तर याप्रकरणी महेश महादेव ओव्हाळ (वय ३२, रा. सिध्दार्थनगर, पिसोळी) याला अटक करण्यात आली आहे. याबाबत कोंढवा पोलिस ठाण्यात फिर्याद दिली आहे. याचा अधिक तपास कोंढवा पोलीस करत आहेत.