कोल्हापूर : कोल्हापुरातील कळंबा कारागृहातील कारागृह अधीक्षक चंध्रमनी इंदूरकर यांच्यावर एका कैद्याने हल्ला केल्याची घटना समोर आली आहे. कैद्याने हा हल्ला पत्र्याने केला आहे. या हल्ल्यात कारागृह अधीक्षक किरकोळ जखमी झाले आहेत. त्यांच्यावर रुग्णालयात (Hospital) उपचार सुरु आहेत.(Kolhapur crime news updates)

रत्नागिरीमधून आणलेल्या एका संशयित कैद्याने हा हल्ला केला आहे. याप्रकरणी कोल्हापुरातील जुना राजवाडा पोलिसात (Police) गुन्हा दाखल करण्यात आला आहे.

हे देखील पाहा

या हल्ल्यात अधीक्षक इंदूरकर यांच्या हाताला दुखापत झाली आहे. अचानक घडलेल्या या प्रकारामुळे कारागृहात तारांबळ उडाली.

अधीक्षक इंदूरकर हे आज सकाळी कारागृहाची तपासणी करत होते. यावेळी संबधित आरोपीने पत्र्याच्या तुकड्याने त्यांच्यावर हल्ला केला. त्यांनी प्रसंगावधान राखून त्याला वेळीच रोखला. कारागृहातील कर्मचाऱ्यांनी त्याला वेळीच बाजूला केले. मात्र या हल्ल्यात इंदूरकर यांच्या हाताला दुखापत झाली आहे. यासंबधी संशयित आरोपीवर जुना राजवाडा पोलीस ठाण्यात गुन्हा दाखल करण्यात येणार आहे.

Edited By- Santosh Kanmuse