Alisha Khedekar
घरच्या घरी केमिकल न वापरता कुंकू बनवता येते. त्यासाठी हळद, चुना, लिंबाचा रस,पाणी, गुलाबजल,सुगंधी तेल किंवा कापूर हे साहित्य वापरता येते.
नैसर्गिक हळद घ्या. ती एका ताटात व्यवस्थित पसरवा. त्यानंतर ती हळद थोडावेळ ताटातच राहूद्या.
एका वेगळ्या लहान वाटीत चुन्याचे पाणी तयार करून ते पाणी ताटातील हळदीत मिसळा. हळूहळू हळद ओली होईल आणि रंगामध्ये फरक जाणवेल.
चुन्याचं पाणी घातलेल्या हळदीत आता थोडासा लिंबाचा रस आणि पिण्याचं पाणी घाला. त्यामुळे हळद ओली होईल आणि हळदीचा रंग गडद होत जाईल.
सगळे साहित्य हळदीत मिसळल्यानंतर त्यात सुंगधित पाणी किंवा गुलाब जल मिसळा. ही प्रक्रिया तुम्हाला हवी असेल तरच करा. हे २ साहित्य नाही मिसळले तरी चालेल.
हळदीत सगळे साहित्य टाकून मिक्स करून घ्या. हळद हाताने मळून घ्या त्यामुळे इतर साहित्य हळदीत मिक्स होईल.
हळदीत पाणीयुक्त पदार्थ मिसळल्याने ती थोडी ओलसर होते. त्यामुळे तिला उन्हात किंवा फॅन खाली सुकवा आणि तयार होईल तुमचं घरगुती कुंकू.