हिंगोली : विनापरवानगी शिवसेना आमदार संतोष बांगर (Shivsena MLA) यांना मतदान केंद्रात प्रवेश करू दिल्याप्रकरणी पोलीस दलातील चार पोलीस कर्मचाऱ्यांना पोलिस अधीक्षकांनी केले निलंबित केलं आहे. आमदार संतोष बांगर यांच्या अंगरक्षकाच्या ही निलंबित पोलिस कर्मचाऱ्यांमध्ये समावेश आहे. (Police suspended for admitting Shivsena MLA to polling station)

हिंगोलीच्या (Hingoli) औंढा शहरात नगरपंचायत निवडणुकीच्या मतदानादरम्यान शिवसेना आमदार संतोष बांगर (Shivsena MLA Santosh Bangar) यांच्यासह त्यांच्या कार्यकर्त्यांना विनापरवानगी मतदान केंद्रात प्रवेश करू दिल्याप्रकरणी मतदान केंद्राबाहेर बंदोबस्तावर असलेल्या कर्मचाऱ्यांना हिंगोलीचे पोलीस अधीक्षक राकेश कलासागर यांनी निलंबित केले आहे.

हे देखील पहा -

पोलीस अधीक्षक एम राकेश कलासागर यांनी काढलेल्या आदेशात औंढा, कुरुंदा व वसमत येथील पोलीस स्थानकातील 3 पोलिस कर्मचाऱ्यांसह आमदार संतोष बांगर यांचा अंगरक्षक असलेल्या पोलिस कर्मचाऱ्यांचा देखील समावेश आहे. अतुल बोरकर, बंडू राठोड, विजय कुमार जाधव, दिगंबर ठेंगडे अशी या निलंबित केलेल्या पोलिस कर्मचाऱ्यांची नावे असून त्यांच्यावर कर्तव्यात कसूर केल्याचा ठपका ठेवण्यात आला आहे.

दरम्यान या प्रकरणात मतदान झालेल्या दिवशी देखील आमदार संतोष बांगर यांच्या सह त्यांच्या १३ कार्यकर्त्यांच्या विरोधात मतदान केंद्र प्रमुखांच्या तक्रारीवरून आदर्श आचारसंहितेचा भंग केल्याप्रकरणी गुन्हा दाखल करण्यात आला होता.

Edited By - Jagdish Patil