जालना: जालना (Jalna) अँटी करप्शन ब्युरोचे (Anti Corruption Bureau) पोलीस (Police) निरीक्षक २ दिवसांपासून अचानक बेपत्ता झाले आहे. 2 जानेवारी रोजी संध्याकाळी ही घटना घडली आहे. संग्राम ताटे असे या पोलीस (Police) निरीक्षकाचे नाव आहे. या घटनेमुळे जालना शहरात (city) एकच खळबळ उडाली आहे. या प्रकरणी संग्राम ताटे यांच्या पत्नीच्या फिर्यादीवरून कदीम जालना पोलीस ठाण्यात मिसिंग केस दाखल करण्यात आली आहे. (police inspector suddenly disappears from jalna for two days)

हे देखील पहा-

2 जानेवारी रोजी सायंकाळी 7 वाजेच्या सुमारास ताटे हे मित्राला (friend) भेटायला चाललो असे पत्नीला (wife) सांगून यशवंतनगर येथील त्यांच्या घरातून बाहेर पडले होते. यावेळी त्यांनी मोबाईल, गाडी, सोबत नेले नाही. दरम्यान ताटे हे २ दिवसांपासून घरी न परतल्याने त्यांच्या पत्नीने कदीम जालना पोलीस ठाण्यात बेपत्ता (Missing) झाल्याची केस दाखल करण्यात आली आहे. पोलीसांनी त्यांची शोधाशोध सुरु केली आहे.

दरम्यान या घटनेची माहिती मिळताच लाचलुचपत प्रतिबंधक विभागाचे औरंगाबादचे पोलीस अधीक्षक यांनी ही त्यांची दिवसभर जालना शहरात शोधाशोध केली आहे. मात्र, त्यांचा पत्ता लागत नसल्याने एसीबी, पोलीस प्रशासनात एकच खळबळ उडाली आहे. संग्राम ताटे यांना बुधवारीच पोलीस निरीक्षक पदावर पदोन्नती मिळाली होती. आणि त्यांची कोकण विभागात पदोन्नतीवर बदली ही झाली होती.

Edited By- Digambar Jadhav